ٹرمپ کی بہو نے شوہر سے علیحدہ ہونے کا فیصلہ

مہر خبررساں ایجنسی نے رائٹرز کے حوالے سے نقل کیا ہے کہ امریکی صدر ٹرمپ کی بہو ونیسا ٹرمپ نے اپنے شوہر ٹرمپ جونیئر سے علیحدگی کیلیے عدالت سے رجوع کر لیا ہے۔ اطلاعات کے مطابق علیحدگی کی یہ درخواست مین ہٹن کی ایک عدالت میں جمع کرائی گئی ہے، درخواست کے مطابق ان کے شوہر 40 سالہ ٹرمپ جونیئر بھی اس علیحدگی پر متفق ہیں اور یہ دونوں کا مشترکہ فیصلہ ہے، ٹرمپ جونیئر اور ونسیا کے 5 بچے ہیں۔ واضح رہے کہ امریکی صدرڈونلڈ  ٹرمپ بھی 2  بیویوں سےجدا ہو چکے ہیں اور اس وقت میلانیا ٹرمپ ان کی تیسری بیوی ہیں۔